Tár á kinnum Söru Lísu

2003-10-05T20:19:00.000Z

Sara sat alein í skóginum. Henni var hrollkalt. Hún var ekki einu sinni í nærbuxum. Þeim sleppti hún til þess að ganga í augun á Brad. Það var kaldhæðnislegt að greiðasemi hennar við Brad væri að valda henni ofkuli og blöðrubólgu. Hún sofnaði. Hún vaknaði í niðamyrkri. Undarleg lykt var í loftinu. Hvar var hún. Skyndilega heyrði hún undarlega lágt murr við hlið sér og tók eftir því að hún lá á feldi. Bjarnarhýði! Hún hlaut að liggja í bjarnarhýði. Þrátt fyrir þessa uppgötvun varð hún ekki hrædd því að hún fann einungis fyrir gæsku þessa stóra kafloðna dýrs. Hún sofnaði aftur en draumfarir hennar urðu ekki sléttar og felldar. Hana dreymdi ástina sem hún hafði glatað. En í draumum hennar var hann ekki sama skítseyðið. Hann var hjartahnúsarinn sem hafði rænt hana meydómnum. Og hvílíkt rán. Sara lék við sig í svefni. Í faðmi stóra bangsans.

Fær Sara blöðrubólgu?

Ætlar björninn að éta hana?

Ætlar Sara að éta björninn?

Hver rændi hvern?

Hver?

2003-05-01T19:29:00.000Z

(Gestakafli I)
13. kafli

Þau stigu út úr bílnum við fjallakofann og þökkuðu Ben fyrir farið. Hann ætlaði að koma aftur og sækja þau á sunnudeginum. Sara Lísa hlakkaði til að dvelja þarna og slaka á, fjarri stórborginni, Heiðrúnu og yfirþyrmandi stórum myndum af Brad út um alla borg. Nú gætu þau verið þau sjálf og elskast í náttúrunni.
Brad opnaði dyrnar með sterklegum höndunum. Þegar hann kom inn hlóð hann kubbum í arininn og kveikti síðan upp. “Jæja,” sagði hann, “nú getum við tekið upp úr töskunum Sara Lísan mín!”
Brad hafði keypt tvö kíló af jarðaberjum og margar flöskur af kampavíni. Sara Lísa vildi að helgin endaði aldrei. Næsta vika var full af starfsviðtölum og svo ætlaði hún líka í leghálsskoðun. Hún rankaði við sér þegar Brad kyssti hana undurblítt aftan á hálsinn. “Nú er orðið nógu hlýtt til að fara úr fötunum...” hvíslaði hann og sneri henni við svo nú horfði hún djúpt í augun hans.
“Brad ég el...” en Sara Lísa komst ekki lengra því hann kyssti hana löngum og djúpum kossi. Þau klæddu hvort annað úr á leiðinni upp stigann. Sara Lísa náði varla andanum af spenningi. Þau opnuðu svefnherbergisdyrnar en þá hrundi veröld Söru Lísu. Í rúminu lá nakin kona með afskaplega slétt hár.
“Brad ég skil ekki...” reyndi Sara Lísa að segja en kökkurinn í hálsinum var röddinni sterkari. Brad var brugðið.
“Jennífer? Hvað ert þú að gera hér? Við ætluðum að hittast næstu helgi...” Sara Lísa fann ekki fyrir líkamanum. Það var þá ekki bara Heiðrún. Það var líka þessi stúlka. Sara Lísa gat ekki hreyft sig. Það var eins og hún væri ekki þarna því Brad reif sig úr lakkrísnærbuxunum og stakk sér á kaf milli fóta konunnar sem lá þarna. Sara Lísa gat enn ekki hreyft sig og stóð og starði á þessa furðusjón með tárin í augunum. Þau hófu að iða sér upp og niður, fram og aftur og Sara Lísa sá svitadropana spretta á baki Brads. Þá skiptu þau um stellingu og litu nú út eins og skúlptúr eftir Ásmund Sveinsson.
Þá var eins og eldingu slægi niður í Jennífer og hún öskraði eins og ljón. Sara Lísa rankaði við sér. Hvað var hún að gera þarna? Ætlaði hún bara að horfa upp á þetta? “Brad þú ert asni! Heyrirðu hvað ég segi lúsablesinn þinn?” Síðan hljóp hún niður stigann með ekkasogum og pakkaði því litla sem hún hafði tekið upp úr töskunum og tók kampavín og jarðaber með sér svo hún yrði ekki úti. Síðan hljóp hún út í skóginn. Brad notaði sér að hún var ung og vitlaus og hún var bara ein af frillunum hans. Henni fannst hún skítug í hjartanu. Hún heyrði stunur og óp frá svefnherberginu bergmála í klettunum kringum skóginn. Hún var föst í eigin martröð og villt. Hún settist niður og fékk sér kampavín og jarðaber. Henni var kalt.

Hvað á Brad margar hjásvæfur?

Hver er þessi Jennífer?

Af hverju er hún með svona slétt hár?

Mun histamínið í jarðaberjunum framkalla bráðaofnæmisviðbrögð hjá Söru Lísu?

Verður hún blindfull alein í skóginum?

Er hún alein í skóginum?

Hverjir vilja drepa Brad? ÞAÐ ER EKKI ENN KOMIÐ FRAM!

MEM

2003-04-04T19:56:00.000Z

12. kafli

Sara hljóp út með fangið fullt af töskum. Hún svipaðist um eftir Brad. Skyndilega kom stór svartur bíll aðvífandi. Út úr honum gægðist Brad og annar maður með honum. "Stökktu inn hrópaði hann. Þeir eru alveg að koma." Sara flýtti sér inn í bílinn og hann þaut að stað. Þegar Sara var sest inn leit hún út um afturrúðuna. Tveir stórir sendiferðabílar komu á fleygiferð fyrir horn rétt aftan við bílinn og þeystu á eftir bílnum hans Brads. "Hverjir eru þetta?" Hrópaði Sara. "Ég get ekki svarað því núna elskan. En eitt er víst. Þeir vilja mig feigan." Sagði Brad. "En sem ég heiti Brad Pitt þá skulu þessir blóðhundar ekki ná mér. Ben! Réttu mér byssuna!" Hrópaði hann. Maðurinn sem hann kallaði Ben henti í hann byssu, Brad opnaði þaklúguna og stakk sér upp. Hann skaut nokkrum skotum að semdiferðabílunum. Annar þeirra rásaði og rann út af veginum. Enn var einn bíll eftir. Brad sté niður í bílinn aftur og öskraði: "Gefði í Ben" Þeir eru að ná okkur. Ben steig fast á bensíngjöfina og bíllinn þaut á svakalegum hraða eftir götunni. Sara var skelkuð en á einhvern undarlegan hátt æstist hún líka. Henni hafði aldrei fundist Brad svona aðlaðandi. Hjarta hennar barðist í brjósti hennar eins og óður Síberíutígur og hún vissi ekki hvort það var að hræðslu eða losta. "Beigðu hér Ben!" Hrópaði Brad. "Flýttu þér í átt að bústaðnum." Áfram þutu þau eins og elding og fyrr en varði voru þau komin út fyrir borgarmörkin. Húsin fjarlægðust hratt og ekkert bólaði á hinum sendiferðabílnum. Brad dæsti og lét fallast í sætið. Skyndilega hratt hann sér að Söru, tók utan um hana og hvíslaði í eyra hennar:" Fyrirgefðu Sara. Fyrirgefðu að ég kom þér í öll þessi vandræði. Fyrirgefðu að ég sagði þér ekki allan sannleikann. Þú ert eins og lítið blóm, þú breytir mér í lítinn lóm." Sara skyldi ekki hvernig maður sem að gat sýnt svona mikið hugrekki og verið svona mikill harðjaxl gat verið svona mjúkur og brothættur. " Ég fyrirgef þér Brad" sagði Sara. "Ég fyrirgef þér ef þú elskast með mér um leið og við komum í bústaðinn." "Ekkert mál." sagði Brad " Ekkert mál."

Er Brad mál?

Er Brad ekki mál?

Er Brad málið?

Er Ben Ben Affleck?

Hverjir vilja Brad feigan?

Er það sjóskíðaleigan?

Eða risastór köttur?

Komist að því og meiru til í næsta kafla sögunnar: Tár á kinnum Söru Lísu.

2003-03-08T18:13:00.000Z

Daginn eftir tók Sara því rólega. Klukkan 5 ætlaði Brad að ná í hana og þau ætluðu að keyra upp í sumarbústað Brad þar sem þau ætluðu að dvelja ámeðan þau næðu áttum. Sara fékk sér djúsglas og horfði út um gluggann. Þar sá hún aftur risastóra veggspjaldið með myndinni af Brad á. Að hugsa sér. Brad litli Pitt sem lék sér í garðinum heima hjá mér sem lítill strákur. Snáðinn sem sagði alla prumpubrandarana og hljóp skríkjandi undan afa þegar hann ætlaði að skamma hann. Brad litli bara orðinn frægur. Sara var stolt. En hún hafði líka áhyggjur. Það fylgja því ýmis vandamál að vera kærasta stjörnu. Svo mikið vissi hún þó um stórborgarlífið. Sara fékk sér ís og kleinu og sönglaði lagið sem Brad hafði sungið fyrir hana kvöldið áður. Dyrabjallan hringdi. "Halló" sagði Sara. "Hæ þetta er Brad. Það kom svolítið upp á, við verðum að flýta okkur."

Sara er alltaf borðandi. Ætli hún sé með lotugræðgi?

Hvað kom upp á?

Er Heiðrún með stæla?

Er Heiðrún að æla?

Hvað er hún að pæla?

Er hún með flotta hæla?

Er ég litli strákurinn með panflautuna?

Komist að því og meiru til í næsta kafla sögunnar: Tár á kinnum Söru Lísu.

2003-03-03T09:30:00.000Z

Hún vafði um sig handklæði og hljóp að dyrasímanum. Hver er þar? spurði hún. Þetta er Brad. Talaðu við mig Sara. Sara stóð kjurr og horfði á takkann sem maður notar til að hleypa fólki inn. Ef ég hleypi þér inn Brad, viltu þá lofa mér því að fara um leið og ég bið þig? Ég er hræddur um að návist þín gæti orðið yfirþyrmandi þessa stundina. Allt í lagi. Hafðu það eins og þú vilt. Sagði Brad. Það heyrðist smellur og hurðin opnaðist. Brad gekk rólega inn og leit á Söru. Hann var dapur á svipinn. Á vanga hans glampaði lítið tár sem að féll í gólfið þegar hann sá Söru. Henni fannst sem heimur sin skylfi allur þegar tárið snerti jörðina. Hún horfði samt á hann með köldu augnaráði og sagði hæðnislega. Það er aldeilis að þú ert sorgmæddur. Brad starði á hana brostnum augum og sagði: Sara. Ég hélt að við ættum von. Að samband okkar gæti vaxið og sprengt utan af sé búrið sem við höfum byggt um hana. Við! æpti Sara. Nei bara Þú! Ég kom ekki nálægt því að reisa þessar víggirðingar um ást okkar. Það var þitt verk. Þetta gerðir þú um leið og þú giftist Heiðrúnu. Um leið og þú kisstir mig fyrst settirðu á mig fjötra. Fjötra sem eru nú svo hertir að líkami minn skelfur og ég á erfitt með gang. Hvert heldur þú að samband okkar komist núna. Ég held sjálf að þetta sé endastöðin. Og það eftir að ég gaf þér líkama minn. Sara brast í grát. Brad virtist ringlaður. Rödd hans var klökk þegar hann sagði: Sara: Ég skal skilja við Heiðrúnu. Ég skal gleyma henni eins og máltíð gærdagsins. Þú ert mín eina ást. Bara þú. Brad tók utan um Söru og byrjaði að syngja með undurblíðri rödd. Sara vissi aldrei hvaða lag þetta hefði verið en hún sofnaði uppgefin í örmum hans.

Var Brad í alvörunni að gráta?

Er Brad Brad Pitt?

Eru þau fjötruð?

Hvað borðaði Brad í gær?

Hvað söng Brad fyrir lísu?

Var það popplag í G-dúr?

Eða eitthvað lag með sálinni?

Skiptir það í raun og veru einhverju máli?

Komist að því og meiru til í næsta kafla sögunnar: Tár á kinnum Söru Lísu.

2003-02-26T18:15:00.000Z

9. kafli.

NEEEEEEEEEEEI? Það getur ekki verið. Öskraði Sara og skellti á. Hún var skelfingu lostin og hún settist niður til að ná andanum. Brad og Heiðrún, gift. Það hljómaði ótrúlega í augum Söru Lísu. Hún settist niður við gluggann sem sneri út í port og horfði út tómum augum. Hún gat séð inn um stóran glugga íbúðarinnar á móti. Þar stóð dökkhærð kona, á að giska 23 ára, með handklæði um sig miðja. Þær horfðust í augu um stund. Þá allt í einu glotti sú dökkhærða og svipti af sér handklæðinu. Vá! Hún var gullfalleg. Dökkt hárið liðaðist um fagurmótað andlitið og niður á axlir. Þaðan leituðu augu Söru neðar og mættu henni þá stinn brjóstin, fullkomin. Stúlkan í glugganum var grönn en ekki mjög hávaxin. Sara fattaði að hún var að stara á líkama konunnar og fór hjá sér. Hún leit upp og sá þá að þeirri dökkhærðu virtist þykja þetta gaman. Sara stóð hikandi á fætur. Hún byrjaði að smeygja kjólnum sem hún var í hægt yfir höfuð sér. Hún hafði ekki verið í nærfötum undir kjólnum og nú stóðu þær tvær, þessar gullfallegu konur á móti hvor annarri glottandi og kímandi af kátínu. Hönd þeirrar dökkhærðu leitaði niður eftir líkama hennar og staðnæmdist í ástarhreiðrinu. Sara gerði slíkt hið sama. Þannig stóðu þær drykklanga stund og nutu sín, sitt hvoru megin við sundið. Sara var búin að gleyma sér í enn sorugri hugsunum þegar dyrabjallan hringdi og hún kipptist við...

Hver er þessi dularfulla dökkhærða kona? Er þetta Angelina Jolie?

Ef þetta er Angelina Jolie hvað er hún þá að gera í nágrannablokk Söru?

Er Sara lesbísk?

Hverjar voru sorugustu hugsanir Söru?

Mun hún einhverntíma baða sig í Eden?

En Babýlon?

Hvað með Tromsö?

Komist að því og meiru til í næsta kafla sögunnar: Tár á kinnum Söru Lísu.

2003-02-25T19:34:00.000Z

8. kafli.

Sara tók upp símtólið og hringdi í Brad. Þegar Brad svaraði reyndi hún að láta eins og ekkert hefði í skorist. Hún sagði: Hæ Brad. Brad sagði: Hæ Sara. Það var löng þögn. Það var Brad sem rauf þögnina: Sara er ekki allt í lagi? Ha jújú sagði Sara og brosti. Hún fattaði að hún var ein í íbúðinni og hætti að brosa. Hvern var hún eiginlega að blekkja? Henni leið eins og hálfvita sem er nýbúinn að fatta að hann er hálfviti. Brad tók aftur til máls: Sara ég elska þig. Hjarta Söru tók kipp. Hluta af henni langaði að trúa honum. Annan hluta af henni langaði að þjóta út, finna Brad og sparka í hann.......fast! En Sara sagði ekki neitt. Hún hlustaði agndofa á meðan Brad talaði: Sara mín. Mér þykir vænt um þig eins og þú ert. Þú ert falleg eins og sólarupprás í París og hugur þinn er eins og ókannaðar hásléttur Perú. Ó Sara Lísa. Hlaupstu á brott með mér.... Til Kanada! Sara var alveg orðin rugluð á allri þessari landafræði og hún gat ekki setið á sér lengur. Orðin eins og hrundu út úr henni: Ég sá þig kissa Heiðrúnu!!!! Það var löng þögn aftur. Sara var orðin viss um að Brad hefði lagt frá sér tólið og farið þegar hann tók skyndilega til máls aftur. Sara! Heiðrún er............ Heiðrún er sko........... Sko málið er að .............. Sara, Heiðrún er eiginkona mín.

Er Brad að segja satt?

Vill Brad Söru frekar en Heiðrúnu?

Er Brad Brad Pitt?

Ef svo er er hann þá ekki giftur einhverri Frends gellu?

Hvern er Sara að blekkja?

Mun hún hefna sín?

Mun Fernando skakka leikinn?

Komist að því og meiru til í næsta kafla sögunnar: Tár á kinnum Söru Lísu.

2003-02-07T13:37:00.000Z

7. kafli.

Sara sat ein heima allan daginn og borðaði plómukökur. Hún átti engan annan mat og hún nennti ekki að fara út í búð til að kaupa eitthvað annað. Henni var alveg sama. Hana langaði mest að grafa sér holu í jörðina og fela sig ofan í. En þá hefði hún þurft að fara út og því nennti hún ekki. Síminn hafði hringt allan liðlangan daginn og númerið hans Brad blikkaði sífellt á símnúmerabirtinum en Sara svaraði ekki. Henni fannst hún tóm að innan, eins og egg sem búið er að sjúga allan matinn úr. Hún reif sig upp úr volæðinu um stund til þess að fara í sturtu. Henni leið strax betur við það og hún stóð sjálfa sig að því að syngja í sturtunni. Síminn hringdi aftur og þegar hann var búinn að hringja út heyrði hún rödd Brad á símsvaranum: Sara mín, er ekki allt í lagi með þig? Af hverju svararðu mér ekki? Er það af því að Heiðrún gekk inn á okkur? Svona nú taktu upp tólið! Það var þögn og svo heyrðist smellur sem þýddi að Brad var búin að leggja á. Það eina sem Sara gat hugsað um var hvernig hún gæti klekkt á Brad. Hann skal fá að gjalda, sagði hún við sjálfa sig og henni leið betur. Hún öskraði: Hann skal fá að gjalda! Allt í einu fékk hún hugmynd.

Fær Sara skitu af öllum plómukökunum?

Fer hún og grefur sér holu?

Er Brad hrifinn af Söru?

Er Brad Brad Pitt?

Ætlar Sara að myrða Brad?

Hvað lag söng Sara í sturtunni?

Komist að því og meira til í næsta kafla sögunnar: Tár á kinnum Söru Lísu.

2003-02-06T08:53:00.000Z

6. kafli.

Þegar Sara vaknaði daginn eftir var Brad horfinn. En það lá miði á koddanum við hliðina á henni sem á stóð. Your life is like a fragile rose, you are the seed, I am the hose. Söru Lísu fannst þetta það fallegasta sem hún hafði nokkurn tíman lesið og gleðihrollur fór um hana alla. Hún stóð upp og fékk sér morgunmat, kornflex og mjólk. Íbúðin hennar var á efstu hæð og hún sá yfir nær allan miðbæinn út um eldhúsgluggan. Allt í einu sá hún svolítið sem fékk hjartað í henni til að taka kipp. Stórt veggspjald sem þakti stóran vegg á verslanamiðstöð og á því var mynd af Brad í dulítið geðveikislegri múnderingu. Undir myndinni af hönum stóð Fight Club, sýnd á næstunni. Kvikmyndastjarna! Var þetta virkilega satt? Svo sá Sara dáldið annað. Dálítið hræðilegt. Undir plakatinu stóðu Brad og Heiðrún í heitum faðmlögum. Þau kysstust.

Er Brad ástfanginn af Heiðrúnu?

Springur Sara af harmi?

Er Brad ástfanginn af Söru Lísu?

Springur Heiðrún af harmi?

Er Brad að fífla þær báðar?

Er Brad Brad Pitt?

Fíla gellur í alvörunni svona skítaskáldskap eins og Brad skrifaði á koddann eða fíla þær heldur ljóð undir hefðbundnum bragarreglum?

Komist að því í næsta kafla sögunnar:Tár á kinnum Söru Lísu.

2003-02-05T09:37:00.000Z

5. kafli.

Heiðrún! Sagði Brad skelkaðri röddu og hætti kynferðismökunum. Hvað er að? Spurði Sara, en þegar hún sá Heiðrúnu hrökk hún í kút. Brad virtist hræddur og hann æpti að Heiðrúnu: NEI! Þú ert dáin Þetta getur ekki verið! Ég er ekki dáin. Svaraði Heiðrún. Ég er jafn lifandi og þú og Sara Lísa. Brad var greinilega kolruglaður í rýminu og hringsnerist um sjálfan sig. Sara Lísa gapti í forundran. Hvað ert þú að gera í íbúðinni minni? spurði hún. Ég elti Brad hingað. sagði hún. Ég er ástfangin af honum. Ég var að vonast til þess að geta talað við hann í einrúmi. Ekki núna. Sagði Brad sem virtist vera búin að átta sig. Leyfðu okkur Söru að makast í friði. Ég verð aldrei þinn. Heiðrún strunsaði út. Þá erum við loksins ein aftur sagði Brad og greip um stinn brjóst Söru. Og þau elskuðust og spunnust saman í eldheitum leikjum við snarkandi arininn. Hann sofnaði innan í henni.

Er Heiðrún Edda Heiðrún Batman?

Er hún dáin?

Er Brad Brad Pitt?

Þegar tekið er mið af eðlilegum hreyfingum fólks í svefni og líkamstöðum við slík athæfi, er þá mögulegt að þegar Brad vaknar aftur muni hann enn vera innan í henni?

Er arinn í íbúðinni eða bætti höfundurinn honum bara inn til að auka rómantísk áhrif kynferðismakanna á lesandann?

Komist að því í næsta kafla sögunnar: Tár á kinnum Söru Lísu.

2003-02-04T21:22:00.000Z

4. kafli.

Ég er sem er orðin 25 ára gömul er enn óspjölluð eins og nýútsprungin rós að vori. Orð þín eru sem ljóð í eyrum mér, sagði Brad klökkur. Þær eru nú ófáar telpurnar sem ég hef spjallað um ævina. Þú ert sorakjaftur æpti Sara, en þó að hún sýndi Brad ofsafengin viðbrögð brann hún öll í skinninu og henni fannst sem kaldur gustur hríðslaðist um sig alla svo að geirvörtur hennar urðu eins og tvö bláber. Brad tók utan um hana og sagði: Ég sé í gegnum kalt viðmót þitt Sara lísa. Elskastu með mér. Ójá sagði Sara Lísa. Ég er tilbúin. Ég er búin að vera tilbúin of lengi. Rúmið var ekki komið í íbúðina svo að Brad þeytti henni upp á eldhúsborðið og svipti á undraverðan hátt af henni kjólnum.Sara Lísa var með svakalegan hjartslátt. Hún hrópaði í sífellu: Ég er tilbúin! Ég er tilbúin! Ég er tilbúin! Hún varð svo æst að hún tók ekki eftir því þegar Heiðrún gekk inn.

Er Sara virkilega enn óspjölluð?

Er Brad sá rétti?

Er Brad Brad Pitt?

Fær Sara hjartaáfall?

Spjallar Brad Söru?

Hver er þessi Heiðrún?(er hún geit?)

Komist að því í næsta kafla sögunnar: Tár á kinnum Söru Lísu.

2003-02-04T21:06:00.001Z

3. kafli.

Hún sneri sér hægt við og horfði í bláu augun hans. Veistu? Hvíslaði hún. Hvernig? Ég hef ekki sagt neinum. Sagði Peter bróðir minn þér það? Ég veit svo sem ekkert hvernig hann ætti að vita. Þau þögðu um stund, en svo braut Brad ísinn: Þú ert lesbísk, er það ekki? Sara Lísa starði á hann í forundran. Hvernig dettur þér það í hug? Æpti hún. Nei leyndarmál mitt er það að......

Fáum við nokkurn tíman að vita leyndarmál Söru Lísu?

Er Brad Brad Pitt?

Er Sara með hita?

Er Peter Peter Jackson?

Er Sara lesbísk?

Er einhver erótík í erótísku sögunni?

Hvað heitir pabbi Stefáns?

Komist að því í næsta kafla: Tár á kinnum Söru Lísu.

2003-02-04T21:06:00.000Z

2. kafli.

Sara lísa var heppin. Hún fékk íbúð á besta stað í miðbænum og leigan var ekki há. Hún stóð við gluggann og þegar hún heyrði eitthvað þrusk fyrir aftan sig leit hún við. Þar stóð hann. Líkamshiti Söru hækkaði um 2 C° og hjartað í henni tók kipp. Hvað er að gerast?, hugsaði Sara. Hvað er hann að gera hér. Þetta var hann Brad. Gamall vinur bróðir hennar sem hafði heimsótt hann í sveitina endrum og sinnum. Söru hafði alltaf fundist hann mjög myndarlegur og hún vissi að hann gat séð það á augnaráði hennar. Hann nálgaðist hana hægum skrefum, tók utan um hana og hélt henni þétt að sér. Á því augnabliki sem kossinn virtist óumflýanlegur sneri Sara sér undan og sagði lágt: Brad, það er soldið sem ég verð að segja þér. Svolítið hræðilegt. Brad tók hughreystandi um öxl hennar og sagði með sinni ómfögru rödd: Ég veit hvað þú ætlar að segja Sara..... Ég veit.

Veit Brad?

Er Brad Brad Pitt?

Fær Sara hitakast?

Gubbar hún á Brad?

Fær Brad hitakast?

Gubbar hann á Söru?

Hvert er leyndarmál Söru?

Komist að því í næsta kafla: Tár á kinnum Söru Lísu.

2003-02-04T21:05:00.000Z

Tár á kinnum Söru Lísu.

1. kafli.

Þegar Sara flutti í borgina kom það henni á óvart hversu auðvelt hún átti með að aðlagast. Hún hafði aðeins farið úr sveitinni tvisvar áður og þá bara til þess að kaupa egg á markaðnum. En nú var borgin allt allt önnur. Skýjakljúfar og hengibrýr. Allt svo krökkt af fólki. Fólkið í borginni virtist líka afslappaðra og tabúin voru greinilega ekki mörg í borginni.
Sara átti sér leyndarmál. Leyndarmál sem að hún hafði ekki þorað að orða við neinn í sveitinni nema Stínu gömlu. En hún var líka heyrnarlaus. Hvernig ætli fólk bregðist við leyndarmálinu mínu hérna í borginni. Munu þau fordæma mig eða munu þau dýrka mig?, hugsaði Sara. Hún vissi í hjarta sínu að hún myndi segja einhverjum frá því áður en langt um lyki. Ef hún gerði það ekki fannst henni að hún myndi bara springa.

Hvernig gengur Söru að aðlagast í borginni?

Hvað er leyndarmál Söru?

Mun hún springa?

Komist að því í næsta kafla sögunnar, Tár á kinnum Söru Lísu.